Хуӆамсот округ па яртъяң ДНР Волноваха няврэм мет ӆаваӆты емаң хатӆэӆ Пулңават вошан округ куща пиӆан постасэӆ. Ёхтыӆыйм няврэмат хоӆ яма утаӆтыӆат, олимпиадаятан, конкурсатан, касты, вератты тахаятан нох питыӆыӆат. Кат хатӆ сыс няврэмат ар тахайн усат, сютсяты па вератты харатан ӆэсятсайт. Канась Пухӆа тутӆысайт, шоши мир ёх уӆапса эӆты потарсайт па альсайт, вуӆы хотан хуӆаң, нёхи ӆэтотан ӆапатсайт, ёнттот версат па Ямал Ири пиӆан уйтантысат.
«Полярис» арт-резиденцияйн ОЦНК каш верты хотан округ хоятӆуван ёнтам хорам сохан этаӆтысайт па «Баланс нюансов» Яӆап таӆ емаң хатӆа ӆэсятам кашан альсайт. ОЦНК каш верты хотан «Манюня» нэмпи кина вантсат. Кимет хатаӆан няврэмат Юрий Неёлов нэмпи па Шемановский нэмпи музейңана, Обдорской острога тутӆысайт. «Наследие» каш верты харан сютсясат па ёнтсат. Национальной нэпек ӆуңатты хотан Яӆап таӆ емаң хатӆа мойӆапса ясаң нёхты хоран ӆэсятсат. Си юпийн КДЦ хотан спектакль вантсат па округ куся пиӆан уйтантысат. Ёхтыӆыйм няврэмат Яӆап таӆ емаң хатӆ пиӆан мойӆапса ясаңан ястасайт па мойӆапсаятан мойӆасайт. Эвет па похат ям номасан ёхи мантсат па Пулңаватан уӆам хатаӆңан хоӆна хув нумты питӆат. Альбина Тырлина ханшам потар
Свежие комментарии